वैदेशिक रोजगारीका लागि खाडी मुलुक साउदी अरब गएका झापा हल्दिबारीका एक युवकको मृत्यु भएको छ । साबिक गोलधाप गाविस- ३ हाल हल्दिबारी गाउँपालिका- १ निवासी होमनाथ भुर्तेलका कान्छी छोरीको जेठा छोरा विजय रिमाल मृत्यु भएको छ ।
साउदी अरब गएका उनको हप्ता दिनभित्रै मृत्यु भएको जनाइएको छ । त्यहाँ पुगेपछि बिरामी परेका कारण विजयको मृत्यु भएको नेपाली काँग्रेसका जिल्ला सदस्य इन्द्र कार्कीले जानकारी दिए ।विजय गत साउन १५ गते रोजगारीको लागि साउदी गएका थिए ।
उनको शव शुक्रबार काठमाडौँ आइपुगेको र राति १ बजे सम्ममा गोलधाप ल्याइपुराउने जानकारी प्राप्त भएको छ । परिवारजनका अनुसार भोलि शनिबार बिहान १० बजे कनकाई नदीमा दाहसंस्कार गरिने पारिवारिक स्रोतले जनाएको छ ।
