नेपाल प्रिमियर लिग (एनपीएल) को टोली लुम्बिनी लायन्सले अभिनेता राजेश हमाललाई ब्रान्ड एम्बेसडर नियुक्त गरेको छ । काठमाण्डौमा पत्रकार सम्मेलनको आयोजना गरी लुम्बिनीले अभिनेता हमाललाई ब्रान्ड एम्बेसडर नियुत्तः गरेको हो ।
ब्रान्ड एम्बेसडरको रूपमा नियुक्त भएपछि हमालले लुम्बिनी लायन्ससँगको यस सहकार्यले आफूलाई अत्यन्त खुशी र गर्व महसूस गराएको बताए । यस्तै लुम्बिनी लायन्सका अध्यक्ष ईश्वर जिसीले चलचित्र जगतको ‘लायन’ लाई लुम्बिनी लायन्समा भित्र्याउन पाउँदा आफूहरू खुशी भएको प्रतिक्रिया दिए ।
नेपाल क्रिकेट सङ्घ (क्यान) को आयोजनामा आठ वटा टोली सहभागी हुने एनपीएलको पहिलो संस्करण आउँदो मङ्सिर १५ गतेदेखि पुस ६ गतेसम्म हुँदैछ ।
