झापाको बाह्रदशीबाट प्रतिबन्धित लागुऔषध ब्राउन सुगर सहित १ जनालाई प्रहरीले पक्राउ गरेको छ ।
बाह्रदशी गाउँपालिका- ४ मा मंगलबार राती साढे १० बजेको समयमा लागु औषध किनबेच भइरहेको विशेष सूचनाको आधारमा प्रहरी चौकी फूलबारीबाट खटिएको प्रहरी टोलीले सोही ठाउँका २६ वर्षीय सलमान आलमलाई पक्राउ गरेको हो ।
प्रहरीले उनको घरबाट ७ ग्राम ब्राउन सुगर बरामद गरेको थियो । ब्राउन सुगरसहित पक्राउ परेका आलमलाई इलाका प्रहरी कार्यालय अनारमनीमा राखेर थप अनुसन्धान भइरहेको प्रहरीले जनाएको छ ।
