झापाको सुरुङ्गामा जारी प्रदेश स्तरीय भेट्रान कप फुटबल प्रतियोगीतामा बिर्तामोड भेट्रान क्लव सेमिफाइनलमा प्रवेश गरेको छ ।
कनकाई भेट्रान क्लब सुरुङ्गाको आयोजनामा कनकाई नगरपालिका ३ सुरुङ्गा स्थित कनकाई माविको खेलमैदानमा जारी प्रतियोगिताको सोमबार भएको तेस्रो दिनको खेलमा धरान भेट्रान क्लबलाई १-० गोल अन्तरले हराउँदै बिर्तामोड सेमिफाइनलमा प्रवेश गरेको हो । अब सेमिफाइनलमा बिर्तामोडको भेट बिराटनगर भेट्रान संग हुनेछ ।
बिर्तामोडको जितका लागी बिर्तामोडका जर्सि नं. २१ का खेलाडी बिमल गुरुङले खेलको दोस्रो हाफको २२ अौं मिनटमा गोल गरे ।
खेलको पहिलो हाफमा दुबै टिमले अाक्रमक खेल खेले पनि कतै बाट गोल हुन सकेको थिएन । प्रतिस्पर्धात्मक देखिएको खेलको दोस्रो हाफमा समेत दुबै तर्फ बाट गोल गर्ने मौका धेरै पटक पाए पनी गोल गर्न सकेनन् । अन्तत खेलको २२ अौं मिनटमा बिर्तामोडका जर्सि नं. २१ का खेलाडी बिमल गुरुङले पेनाल्टी एरियामा पाएको पासलाई गोलमा परिणत गर्दै टिमलाई अग्रता दिलाए ।
खेलको समयावधि भर दुबै तर्फबाट थप गोल हुन नसके पछी गुरुङले गरेको गोलनै निर्णायक बन्न पुग्यो ।
खेलको म्यान अफ द म्याच उनै गोल कर्ता गुरुङ घोषित भए । उनलाई राधाकृष्ण फार्मेसी सुरुङ्गाले स्पोन्सर गरेको नगद २ हजार पुरस्कार फार्मेसीका संचालक नारायण कट्टेलले प्रदान गरे । त्यस्तै खेलको सुरुवातमै पहिलो गोलकर्तालाई नगद १ हजार प्रदान गर्ने घोषणा गरेका खेल प्रेमी पुराना खेलाडी लय प्रसाद उप्रेतीले गोलकर्ता गुरुङ्लाई नगद १ हजार प्रदान गरे ।
झापा, मोरङ र सुनसरीका ८ वटा टिमको सहभागीता रहेको प्रदेश स्तरीय प्रतियोगिताको विजेताले नगद पुरस्कार १ लाख १ हजार र उपविजेताले नगद ६५ हजार रुपैयाँ , प्रमाणपत्र , ट्रफी र मेडल साथै म्यान अफ द टुर्नामेन्टले नगद ५ हजार र म्यान अफ द म्याचले नगद २ हजार प्राप्त गर्ने छ ।
प्रतियोगिताको मंगलबार हुने चौथो दिनको खेलमा दुधे भेट्रान क्लब र धुलाबारी भेट्रान क्लब विच प्रतिस्पर्धा हुने छ । ठोस खबर
