साझा न्यूज/ पोखरामा २ सय ८० ग्राम २९ मिलीग्राम सुनसहित एक महिला पक्राउ परेकी छिन् ।प्रहरीले झापाको बिर्तामोड घर भइ काठमाडौँको जोरपाटी बस्ने ४५ वर्षीया कल्पना गुरुङलाई पोखरा बसपार्कबाट पक्राउ गरेको हो ।
काठमाडौँबाट ग १ ख ९९४४ नम्बरको बसमा पोखरा आएकी उनलाई प्रहरीले विशेष सूचनाको आधारमा पक्राउ गरेको डीएसपी वेदप्रकाश जोशीले बताए ।गुरुङको साथबाट सुनको बिस्कुट र औँठी बरामद गरिएको उनले बताएका हुन् । उनीमाथि थप अनुसन्धान भइरहेको जोशीको भनाइ छ ।
