नेपाल पत्रकार महासंघ इलाम शाखाको नयाँ नेतृत्वका लागि पत्रकार भीम चापागाईंले अध्यक्ष पदमा उम्मेदवारी दिएका छन् । यही मंसिर २८ मा हुने निर्वाचनमा महासंघको वर्तमान इलाम शाखा सचिव रहेका चापागाईंले अध्यक्षमा उम्मेदवारी दिएका हुन् । इलामस्थित नेपाल प्रेस युनियन, प्रेस चौतारी नेपाल र स्वतन्त्र पत्रकारसहित संयुक्त व्यावसायिक प्यानलबाट चापागाईं साझा उम्मेदवार बनेको युनियन अध्यक्ष सविता पाण्डेले जानकारी दिइन् ।

२० वर्षयता पत्रकारितामा क्रियाशील चापागाईंले २०६७ देखि ०७० सालसम्म पनि इलाम शाखाको सचिवको जिम्मेवारी पूरा गरिसकेका छन् । त्यसपछि उनी दुई कार्यकाल महासंघको केन्द्रीय सभासद् थिए । प्रेस चौतारी इलाम शाखाको अध्यक्ष रहेका चापागाईं २०६५ देखि ०६७ सालसम्म पनि चौतारी इलाम शाखाको सचिवमा कार्यरत थिए ।

इलामकै माइजोगमाई गाउँपालिका–५, सोयाङमा जन्मिएर इलाम नगरपालिका–७ मा बसोबास गरिरहेका चापागाईं १२ वर्षयता नागरिक राष्ट्रिय दैनिकमा कार्यरत छन् । करिब अढाई वर्ष नागरिक दैनिकको विराटनगरस्थित कार्यालयमा डेस्क इडिटर (कपी इडिटर)को समेत अनुभव गरिसकेका उनी पालिकापेजडटकमका सञ्चालकरसम्पादक हुन् ।

उनले इलाम एफएममा समाचार सम्पादक, वाचक, कार्यक्रम उत्पादक र प्रस्तोता, इलाम पोस्ट दैनिकको सहसम्पादकको जिम्मेवारी निर्वाह गरेका थिए । नयाँपत्रिका राष्ट्रिय दैनिकमा पाँच वर्ष, न्युज २४ टिभीमा तीन वर्ष, नेपाल एफएम नेटवर्क, बिएफएम, इलाम आवाज साप्ताहिक, पूर्वमेची साप्ताहिक, पूर्णलोकतन्त्र साप्ताहिक, आँखा साप्ताहिक, मोफसल साप्ताहिक र क्यापिटल एफएमलगायत मिडियामा पनि उनले काम गरिसकेका छन् ।

समाजशास्त्र तथा मानवशास्त्रमा स्नातकोत्तर, शिक्षा संकाय र कानुन संकाय (पत्रकारिता विषय)मा स्नातक गरिसकेका पत्रकार चापागाईंले आमसञ्चार र पत्रकारितामा स्नातकोत्तर अध्ययनको तयारी गरिरहेका छन् ।

पत्रकार चापागाईंले नागरिक राट्रिय दैनिकबाट सर्वोत्कृष्ट फिचर लेखन अवार्ड, प्रादेशिक शिक्षा पत्रकारिता पुरस्कार, प्रादेशिक आर्थिक तथा कृषि पत्रकारिता पुरस्कार, प्रादेशिक युवा जर्नालिज्म अवार्ड, प्रादेशिक मानवअधिकार वर्ष पत्रकारिता पुरस्कार, आशिष स्मृति पत्रकारिता पुरस्कार, उत्कृष्ट समाचार लेखन सम्मान, क्षेत्रीय शिक्षा लेखनवृत्ति, उत्कृष्ट सहसम्पादक सम्मान, महेश कार्की स्मृति खेलकुद पत्रकारिता पुरस्कार, उत्कृष्ट यातायात सेवा पत्रकारिता पुरस्कारलगायत पुरस्कार र सम्मान पाएका छन् ।

नेपाल पत्रकार महासंघको मंसिर २८ मा हुने निर्वाचनमा अध्यक्ष पदको उम्मेवार बन्दैगर्दा उनले इलामको पत्रकारिता र पत्रकारका लागि आफू जुनसुकै अवस्थामा पनि लागिपर्ने प्रतिबद्धता गरेका छन् । कोरोनाको समयमा इलामका पत्रकारलाई रिपोर्टिङ र समाचार सम्पे्रषण गर्नमात्र होइन, ज्यान जोगाउनै धौधौ भएका बेला महासंघ सचिवका रूपमा चापागाईंले इलाममा कार्यरत धेरैजसो पत्रकारका घर–घर पुगेर सेनिटाइजर, मास्क, औषधिलगायत वितरण गरेका थिए ।

‘पत्रकारका लागि अत्यन्त जटिल त्यो अवस्था सम्झिँदा अहिले पनि आङ जिरिङ्ग हुन्छ,’ उनी सम्झिन्छन्, ‘कोरोनाले संक्रमित सबैजसो पत्रकारका घरै पुगेर राहतका सामग्री हातैमा राखिदिएर फर्किंदा निकै जोखिम सामना गर्नुपरेको थियो । तर, पनि डगमगाएनौं । पत्रकारलाई सबैखाले सहयोग गर्नु हाम्रो सबैभन्दा ठूलो कर्तव्य–जिम्मेवारी थियो । सकेसम्म पूरा गर्ने प्रयास गरिएको हो ।’

महासंघ इलाम शाखाको अबको नेतृत्व सबै पत्रकारको साझा, समावेशी, सक्षम र क्रियाशील बनाउन आफू लागिपरेको चापागाईं बताउँछन् । ‘इलाम शाखाले सक्षम, जुझारु, अनुभवी, व्यावसायिक र पेसाप्रति निष्ठावान् नेतृत्व खोजेको छ,’ उनी भन्छन्, ‘इलामका सञ्चारमाध्यम आर्थिक रूपमा धरासयी छन् । स्थानीय मिडिया टिकाएर पत्रकारलाई व्यावसायिक र पत्रकारितामै आत्मनिर्भर बनाउनु अहिलेको मुख्य आवश्यकता हो ।’

स्थानीय मिडिया र पत्रकारलाई पत्रकारितामै टिकाइराख्न कानुनी व्यवस्था गर्नुपर्ने उनको धारणा छ । ‘स्थानीय सरकारले स्पष्ट मिडिया नीति बनाउनुपर्छ, स्थानीय पत्रकार र मिडियालाई माया–दयाले होइन, कानुनी रूपमा स्थानीय तहको स्रोत उपभोग गर्ने अवस्था सिर्जना गर्नुपर्छ, मेरो मुख्य उद्देश्य पनि यही हो,’ उनी भन्छन्, ‘इलामका पत्रकारलाई शिर ठाडो गरी गर्वसाथ म पत्रकार हुँ भन्ने आभाष गराउन महासंघले पहल गर्नुपर्छ ।’

यो प्यानलबाट उपाध्यक्षमा लोकेन थेबे, उपाध्यक्ष (महिला)मा सुनिता राई, सचिवमा टीका खतिवडा, सहसचिवमा विनु खड्का, सहसचिव (समावेशी)मा बलराम बराइली र कोषाध्यक्षमा भगीरथ भण्डारीले उम्मेदवारी दिएका छन् ।
सदस्यमा सविता पाण्डे, प्रकाश नेपाल, मनोज अधिकारी, ठोमनाथ तिम्सिना (विनय), योगेन्द्र शंकर, सुनिता मगर, खेमराज ढकाल, रोशन काफ्ले र मनिष बस्नेतले उम्मेदवारी दिएका छन् ।

प्यानलबाट केन्द्रीय परिषद् सदस्यमा विप्लव भट्टराई, गणेश घिमिरे र सुजता सुनुवारको उम्मेदवारी परेको छ । यस्तै, प्रदेश परिषद् सदस्यमा शिव मुखिया, विमल दाहाल, दुर्गाभवानी पोख्रेल, राजीव नेउपाउने र सोम सुुनुवारको उम्मेदवारी छ ।

प्रहरीले राष्ट्रिय स्वतन्त्र पार्टी (रास्वपा) का सभापति एवम् पूर्व गृहमन्त्री रवि लामिछानेलाई फेरि पोखरा पुर्‍याएको छ । पर्सामा बयान सकिएपछि लामिछानेलाई हिजो काठमाण्डौ विमानस्थल हुँदै पोखरा पुर्‍याएको प्रहरीले जनाएको छ ।

सहकारी ठगीको आरोपमा कात्तिक २ गते पक्राउ गरेर पोखरा पुर्‍याइएका लामिछानेसँग प्रहरीले कास्की, रुपन्देही, चितवन, काठमाण्डौ र पर्सामा बयान लिइसकेको छ । लामिछानेमाथि सहकारी ठगीसहित सङ्गठित अपराध एवम् सम्पत्ति शुद्धीकरणसँग सम्बन्धित मुद्दामा पनि अनुसन्धान भइरहेको प्रहरीले जनाएको छ । प्रहरीका अनुसार कास्कीमा अनुसन्धान अन्तिम चरणमा पुर्‍याएर प्रतिवेदन तयार गर्ने काम भइरहेको छ ।

सङ्गठित अपराधको अनुसन्धानका लागि ९० दिनसम्म हिरासतमा राख्न पाइने कानूनी व्यवस्था छ । लामिछानेकै आरोपसँग जोडिएका पूर्वडीआईजी छविलाल जोशी पक्राउ परेको ९० दिन पुग्ने भएकोले पुस ६ गतेभित्र कास्की अदालतमा मुद्दा दर्ता गरिसक्नुपर्छ । प्रहरीले प्रतिवेदन बुझाएपछि जिल्ला सरकारी वकिलको कार्यालयले जिल्ला अदालतमा मुद्दा अघि बढाउँछ ।

मानव अधिकारको विश्वव्यापी घोषणापत्र जारी भएको दिनको सम्झनामा आज विभिन्न कार्यक्रमका साथ अन्तर्राष्ट्रिय मानव अधिकार दिवस मनाइँदैछ । हरेक वर्ष डिसेम्बर १० तारिखका दिन विश्वभर अन्तर्राष्ट्रिय मानव अधिकार दिवस मनाउने गरिन्छ । यस वर्षको अन्तर्राष्ट्रिय मानव अधिकार दिवसको नारा ‘हाम्रो अधिकार, हाम्रो भविष्य र अहिले’ रहेको छ ।

कानून न्याय तथा संसदीय मामिला मन्त्रालयका अनुसार २०७५ सालदेखि हरेक वर्ष मानव अधिकारको सरंक्षण र सम्वर्द्धनमा उल्लेखनीय योगदान पुर्‍याउने व्यक्ति वा संस्थालाई मानअधिकार पुरस्कार प्रदान गरिँदै आइएको छ । ‘मानव अधिकार पुरस्कार कोष सञ्चालन नियमावली, २०७५’ बमोजिम स्थापना भएको कोषबाट पुरस्कार दिँदै आइएको हो । यस वर्ष भने नियमावलीले तोकेको योग्यता र कार्यविधिअनुसार प्रक्रिया पूरा नभएकाले पुरस्कार प्रदान नगरिने मन्त्रालयले स्पष्ट पारेको छ ।

झापाको कनकाई नगरपालिका वडा न ६ का नव–निर्वाचित वडाध्यक्ष लक्ष्मीप्रसाद ओलीले पदभार ग्रहण गर्नुभएको छ । गत मंसिर १६ गते भएको निर्वाचनमा स्वतन्त्र उम्मेद्वार ओली निर्वाचित भएसगै सोमबार आज कनकाई नगर प्रमुख राजेन्द्रकुमार पोखरेलले आफ्नै कार्यकक्षामा सफत गराएसगै नव–निर्वाचित ओलीले वडा कार्यलयमा पदभार ग्रहण गर्नुभएको हो ।

नगरप्रमुखको कार्यकक्षमा भएको सफतग्रहण कार्यक्रममा नगर प्रमुख पोखरेलले सफत खुवाउदै थप कार्यकालको बधाई सहित शुभकामना समेत दिनुभएको थियो । कार्यक्रममा उप प्रमुख आशाशर्मा शिवाकोटीले स्वागत सहित बधाई तथा शुभकामना दिनुभयो ।

प्रमुख प्रशासकीय अधिकृत सुरज श्रेष्ठले सन्चालन गरेको कार्यक्रममा वडा अध्यक्ष सहित कार्यपालिका सदस्य वडा सदस्य कर्मचारी , कनकाई स्वतन्त्र गणतान्त्रिक समुहका संरक्षक शेरबहादुर थापा , जामुनबारी सामुदायिक वनका अध्यक्ष पर्शुराम गिरी, सचीव दिपक ओली , स्वतन्त्र नागरिक समूह वडा न ६ का अध्यक्ष मेदनी प्रसाद विमली , रास्वपा कनकाई ६ का सभापति धनेन्द्र बस्नेत लगायतको उपस्थिति रहेको थियोे ।

गत मंसिर १६ गते भएको उपनिर्वाचनमा चापालक चुनाव चिह्न लिएर उठेका ५५ वर्षीय स्वतन्त्र उम्मेदवार ओली चार सय ९३ मतका साथ निर्वाचित हुनुभएको थियोे । गत असार २ गते तत्कालीन वडा अध्यक्ष दीर्घबहादुर थापाको निधन भएपछि कनकाई ६ मा उपनिर्वाचन भएको थियोे । नव निर्वाचित वडा अध्यक्ष ओली २०७४ सालको चुनावमा समेत विजयी भई ५ वर्ष वडाअध्यक्ष बन्नुभएको थियोे ।

नाबालिकालाई करणी गरेको अभियोगमा बिर्तामोड नगरपालिकाका पूर्व नगर प्रमुख ध्रुवकुमार शिवाकोटी पक्राउ परेका छन् ।

उनलाई पक्राउ गरी इलाका प्रहरी कार्यालय बिर्तामोडमा राखिएको छ । शिवाकोटीमाथि आफ्नै घरमा काम गर्ने नाबालिकालाई करणी गरेको आरोपको उजुरी इलाका प्रहरी कार्यालय काँकरभिट्टामा परेको छ ।

सोही उजुरीको आधारमा इलाका प्रहरी कार्यलय अनारमनीले पक्राउ गरेको जनाएको छ । उनीमाथि सोधपुछ र अनुसन्धान भइरहेको प्रहरीले जनाएको छ ।

राष्ट्रपति रामचन्द्र पौडेल स्वास्थ्य उपचारपछि आज डिस्चार्ज हुनुभएको छ । उहाँ गएको बुधवार प्रोस्टेटसम्बन्धी उपचारका लागि महाराजगञ्जको त्रिभुवन विश्वविद्यालय शिक्षण अस्पतालमा भर्ना हुनुभएको थियो । उहाँको बुधवार नै प्रोस्टेटसम्बन्धी शल्यक्रिया गरिएको थियो ।

अस्पतालका निमित्त कार्यकारी निर्देशक घनश्याम गुरुङले विज्ञप्ति निकालेर राष्ट्रपति पौडेल स्वास्थ्यलाभ गरी आज दिउँसो डिस्चार्ज हुनुभएको जानकारी दिनुभएको छ । राष्ट्रपति पौडेलले आफ्नो उपचारमा संलग्न सम्पूर्ण डाक्टर, स्वास्थ्यकर्मीलगायतप्रति आभार व्यक्त गर्नुभएको छ ।

नेपाल प्रिमियर लिग (एनपीएल) क्रिकेटमा कर्णाली याक्सले विराटनगर किङ्ग्सलाई सात रनले हराएको छ । कर्णालीले दिएको एक सय ३३ रनको लक्ष्य पछ्याएको विराटनगरले निर्धारित २० ओभरमा आठ विकेट गुमाएर एक सय २६ रन मात्र बनाउन सक्यो ।

विराटनगरका निकोलस क्रिटोनले सबैभन्दा धेरै ४० रन बनाए । कर्णालीका नन्दन यादवले तीन विकेट लिए । यस्तै विपिन शर्माले दुई विकेट तथा कप्तान सोमपाल कामी, युनिससिंह ठकुरी र विलियम बोसिस्टोले समान एक विकेट लिए ।

त्यसअघि त्रिवि क्रिकेट मैदानमा टस हारेर ब्याटिङ गरेको कर्णालीले निर्धारित २० ओभरमा सबै विकेट गुमाउँदै एक सय ३३ रन बनायो । किर्णालीका लागि विलियम बोसिस्टोले सबैभन्दा धेरै ६६ रन बनाए । यस्तै देब खनालले ५३ रन बनाए । आजकाे खेलमा शिखर धवनले पाँच बलमा पाँच रन मात्र बनाए । विराटनगरका प्रतिश जिसीले चार विकेट लिए । यस्तै क्रिस सोल र बसिर अहमदले समान दुई विकेट लिए । यो जीतसँगै कर्णालीले चार खेलमा चार अङ्कसहित तालिकाको चौथो स्तानमा छ ।

नेपाल प्रिमियर लिग (एनपीएल) क्रिकेटमा लुम्बिनी लायन्सले टस जितेको छ । सुदूरपश्चिम रोयल्ससँगको खेलमा लुम्बिनीका कप्तान रोहित पौडेलले टस जितेर पहिला बलिङ गर्ने निर्णय गरेका छन् ।लुम्बिनीले यसअघिका दुवै खेल हारेको छ भने सुदूरपश्चिमले दुवै खेल जितेर अपराजित रहेको छ ।

चार अङ्कसहित सुदूरपश्चिम तालिकाको दोस्रो स्थानमा छ भने खाता खोल्न नसकेको लुम्बिनी पुछारमा छ । एनपीएलमा आजै दिउँसो १ बजे हुने दोस्रो खेलमा कर्णाली याक्स र विराटनगर किङ्ग्सले खेल्दैछन् ।