माल्दिभ्सलाई हराउँदै भुटान साफ महिला च्याम्पियनशिप फुटबलको सेमिफाइनलमा पुगेको छ ।

त्रिपुरेश्वरको दशरथ रङ्गशालामा आज भएको समूह ‘बी’ को खेलमा भुटानले माल्दिभ्सलाई १३–० गोलले हरायो । भुटानकी देकी ल्हजोमले ५ गोल गरिन् । यस्तै पेमा छोदेन शेरिङ र शेरिङ याङ्देनले समान २ तथा नम्गेल देमा, सोनम छोदेन, शेरिङ ल्हादेन र देकी याङ्देनले समान १ गोल गरे । यो जीतसँगै भुटान ३ खेलमा ७ अङ्कसहित तालिकाको शीर्ष स्थानमा छ । माल्दिभ्स ३ वटै खेल हार्दै पुछारमा छ ।

साफ महिला च्याम्पियनशिपमा आजै यही समूहका नेपाल र श्रीलङ्का खेल्दैछन् । यो खेल अहिले बेलुकी साढे ५ बजे त्रिपुरेश्वरमा शुरू हुँदैछ । नेपाल २ खेलमा ४ अङ्कसहित तालिकाको दोस्रो र श्रीलङ्का २ खेलमा ३ अङ्कसहित तेस्रो स्थानमा छन् । दुवै टोलीको सेमिफाइनलमा पुग्ने सम्भावना छ । यो खेलसँगै सेमिफाइनल समीकरण पूरा हुनेछ ।

यसअघि समूह ‘ए’ बाट बङ्गलादेश शीर्ष स्थानमा र भारत दोस्रो स्थानमा रहँदै सेमिफाइनलमा पुगिसकेका छन् ।

Highlights

• गोलका कीर्तिमानहरू बन्दा खेलमा रेखा पौडेलको ५ र प्रीति राईको ३ गोल

काठमाडौँ — फुटबलमा यति धेरै एकपक्षीय खेल बिरलै मात्र हुँदो हो । बलमाथि नेपालको नियन्त्रण लगभग ९० प्रतिशत । बल पूर्णतः माल्दिभ्सको आधा भागमा । टोलीले एउटै आक्रमण पनि बुन्न सकेन । आक्रामक मात्र होइन, बल लगभग नेपालको आधा भागमा जाँदै गएन अनि नेपालले गरेका ११ गोल ।

खासमा गोल त अझ बढी हुनुपर्ने थियो । फेरि नेपाली टिम पहिलो रोजाइकै थिएन । साफ महिला च्याम्पियनसिपको समूह ‘बी’ मा नेपालले माल्दिभ्सलाई हराउँदाको कथा यही रह्यो ।

यसको पृष्ठभूमि भने यस्तो थियो । नेपाल आफ्नो पहिलो खेलमा भुटानको हातबाट गोलरहित बराबरीमा रोकिएको थियो । यस्तोमा नेपाली खेलाडी जति सबै चर्को दबाबमा थिए । प्रशिक्षक राजेन्द्र तामाङको चेतावनी भाषा थियो, ‘स्वार्थी बनेर नखेल्नु । स्टार खेलाडी हुन नखोज्नु । आफैंले गोल गर्न मात्र नखोज्नु । नत्र टिममै पर्ने छैनौं ।’ सायद भुटानविरुद्धको खेलमा खेलाडीको ‘व्यक्तित्व’ हाबी थियो । तर, माल्दिभ्सविरुद्ध खेलाडीको ‘व्यक्तित्व’ नै देखिएन ।

खेलको पहिलो हाफमा नेपाली खेलाडी गोल हुने निश्चित अवसरमा पनि पास दिनमै तल्लिन थिए । उनीहरूले पोस्टतर्फ आक्रमण नै बुनेनन् । खेलबाट मज्जा आइरहेको थिएन । तर, माल्दिभ्स आफैंमा कति धेरै कमजोर थियो भने नेपाली टिम ११ गोल गर्न सफल रह्यो । ‘हाम्रा लागि ११ गोल ठूलो होइन, यसमा गर्व गर्न पनि हुन्न । हामीलाई त एकै गोलको जित पनि ठीक थियो, किनभने हामीलाई ३ अंक चाहिएको थियो,’ खेलपछि प्रशिक्षक तामाङले भने, ‘अब भने सेमिफाइनल समीकरण केही सजिलो भएको छ ।’

सोमबार खेलमा ५ गोल गरेकी रेखा टिमकी सरु लिम्बूसँग खुसी साट्दै । तस्बिर : हेमन्त श्रेष्ठ/कान्तिपुर

उनले खिचेको निचोड भने ठीक थियो । नेपालको काम अझै सकिएको छैन, किनभने सेमिफाइनल प्रवेश निश्चित भएको छैन । अझ अप्रत्याशित नतिजामा नेपाल बाहिरिने डर पनि छ । ‘भुटानविरुद्धको खेलपछि हामीले त्यस खेलको विश्लेषण गर्‍यौं । त्यसअनुसार योजना बनायौं,’ प्रशिक्षक तामाङले भने, ‘हाम्रो काम अझै सकिएको छैन । हामीले टिममा सुधार्नुपर्ने ठाउँ धेरै छन् ।’ खासमा माल्दिभ्समाथिको जितमा गोलभन्दा ३ अंकको महत्त्व रह्यो ।

गोलका कीर्तिमान

तीन अंकको जत्ति नै महत्त्व रहे पनि ती ११ गोललाई कसैले बिर्सन सक्छन् र ? खासमा यी गोलका क्रममा नेपाली महिला फुटबलका अनेक कीर्तिमान बने । पहिलो कीर्तिमान, अन्तर्राष्ट्रिय फुटबलमा नेपालको यो तेस्रो ठूलो अन्तरको जित रह्यो । यसअघि नेपालले सन् २०१० मा अफगानिस्तानलाई १३–० र पाकिस्तानलाई १२–० ले हराएको थियो । यसरी नेपालले एउटै खेलमा गोलको दोहोरो संख्या छोएको यो तेस्रो अवसरमात्रै रह्यो ।

यसपल्ट मादिल्भ्समाथि ह्याट्रिक गर्ने दुई खेलाडी रेखा पौडेल र प्रीति राई रहे । रेखाले त पाँचै गोल गरिन् । उनी एउटै खेलमा ५ वा त्यो भन्दा बढी गोल गर्ने दोस्रो खेलाडीमात्र बनिन् । यसअघि सावित्रा भण्डारीले तीन अवसरमा पाँच वा त्यो भन्दा बढी गोल गरेकी छन् । साफ च्याम्पियनसिपमा उनी नेपालका लागि ह्याट्रिक गर्ने चौथो खेलाडी बनिन् । अनु लामा, जमुना गुरुङ र सावित्रापछि । लगत्तै प्रीति यो प्रतियोगितामा ह्याट्रिक गर्ने पाँचौं नेपाली खेलाडी बनिन् ।

रेखाले ३२, ४२, ४८, ६३ र ७७ औं मिनेटमा गोल गरिन् । प्रीतिले भने ६, ६५ र ८७ औं मिनेटमा गोल गरिन् । त्यसमध्ये तेस्रो गोल भने पेनाल्टीबाट भएको थियो । दुवै खेलाडीले नेपालका लागि ह्याट्रिक गरेको यो नै पहिलो अवसर हो । नेपालका लागि एउटै खेलमा दुई खेलाडीले ह्याट्रिक गरेको यो तेस्रोपल्ट मात्रै हो । यसअघि तिनै अफगानिस्तान र पाकिस्तानविरुद्ध प्राप्त जितमा जमुना र अनुले दोहोर्‍याएर एक–एक ह्याट्रिक गरेका थिए ।

त्यस्तै प्रीति नेपालका लागि ह्याट्रिक गर्ने मिडफिल्डको पहिलो खेलाडी बनिन् । यति धेरै गोलका विशेषता भएपछि प्रशिक्षक तामाङलाई लाग्दो हो, तीन अंकमात्र होइन, यी गोलको पनि उत्तिकै महत्त्व हुनेछ । यहाँनिर तिनै रेखाले ठीकै बोलिन् । उनको भनाइ थियो, ‘यो खेल अगाडि हामी असाध्यै दबाबमा थियौं । सबैलाई चिन्ता लागेको थियो । तर आज प्राप्त ठूलो अन्तरको जितपछि हामीलाई राहत भएको छ । म आफैं पनि धेरै खुसी छु । अब हामी अर्को खेलका लागि आत्मविश्वासी हुनेछौं ।’

यसै खेलबाट सजनी थोकरले नेपालका लागि डेब्यु गरिन् । अनि फ्रान्सबाट आइतबार मध्यराति काठमाडौं आइपुगेकी सावित्राको आवश्यकता पनि महसुस भएन । उनलाई पूर्णतः आराम दिइएको थियो । प्रशिक्षक तामाङले भुटानविरुद्धको खेलबाट ५ परिवर्तन गर्दै टिम उतारेको थियो । यसैक्रममा सविता रानामगर, अनिता केसी र अमिशा कार्कीले पनि गोल गरे । यसमध्ये सविताले २९, अनिताले ६८ र अमिशाले ८८ औं मिनेटमा गोल गरेका हुन् ।

अबको समीकरण

सोमबारको पहिलो खेलमा भुटानले श्रीलंकालाई सजिलै हराएको थियो । त्यसमा भुटानका लागि डेकी ल्हाज्मोले ७ र ७६ औं मिनेटमा दुई गोल गरिन् । डोजी एडिनले ३२ र नाम्गेल डेमाले ७९ औं मिनेटमा गोल गरे । श्रीलंकाको तर्फबाट थुसानी मदुसिकाले एक गोल फर्काइन् । यो २३ औं मिनेटमा सम्भव भयो । समूह ‘बी’ बाट यही टिम सेमिफाइनल जाने छ भन्ने अहिले टुंगो लागेको छैन । माल्दिभ्सको चुनौती भने समाप्त भएको छ ।

माल्दिभ्सको यो लगातार दोस्रो हार हो र शून्यमा छ । नेपाल र भुटानको भने समान ४ अंक भएको छ । नेपाल गोल अन्तरले समूहको शीर्षमा छ । श्रीलंकाको ३ अंक छ । यो समूहको अन्तिम दिनको खेलमा भुटानले माल्दिभ्स र नेपालले श्रीलंकाको सामना गर्नेछ । श्रीलंकासामु अझै पनि नेपाललाई स्तब्ध पार्ने सम्भावना छ । त्यसैले टोलीका प्रशिक्षक एमएच रोमीले ठीकै भनेका छन्, ‘नेपालविरुद्ध हामी सक्दो राम्रो गर्ने प्रयासमा हुनेछौं, किनभने हाम्रो सम्भावना पूर्णतः कायम नै छ ।’

काठमाडौँ — नेकपा (माओवादी केन्द्र)ले कात्तिक १० गते काठमाडौंमा जनप्रदर्शन र खबरदारी सभा गर्ने भएको छ ।  सरकारका गलत कमदको विरोध र गर्नुपर्ने काम लागि ध्यानाकर्षण गराउन काठमाडौंको प्रदर्शनीमार्गमा कात्तिक १० गते खबरदारी सभा गर्ने निर्णय गरेको माओवादी केन्द्रले जनाएको छ ।

अध्यक्ष पुष्पकमल दाहालले आज पार्टी कार्यालय पेरिसडाँडामा आयोजित पार्टीको वाग्मती र विशेष प्रदेश समन्वय समिति तथा जनवर्गीय संगठनका इञ्चार्ज तथा अध्यक्षहरुको संयुक्त बैठकलाई सम्बोधन गर्दै पार्टी केन्द्रीय कार्यालयको बैठकले खबरदारी सभा गर्ने निर्णय गरेको जानकारी गराएबम हुन् । उनले खबरदारीसभाको तयारीमा जुट्न सबै कमिटीहरूलाई निर्देशन पनि दिएका छन् ।

माओवादी केन्द्रले विपत् व्यवस्थापनमा देखिएको सरकारको असंवेदनशीलता, गैर जिम्मेवारीपन र योजना विहीनताका कारण बेपत्ताहरूको खोजी, राहत वितरण, घाइतेहरूको उपचार, अस्थायी आवास निर्माण लगायत पुनर्निर्माण र पुन:स्थापना क्षेत्रमा देखिएका समस्या समाधान गर्न, आफ्नो पार्टी नेतृत्वको सरकारले सुरु गरेको सुशासनको अभियानलाई कमजोर बनाउन भइरहेका षड्यन्त्र र भ्रष्टाचारजन्य गतिबिधिलाई निष्तेज पार्न खबरदारीसभा गर्ने जनाएको छ । जनप्रदर्शन र खबरदारीसभाका थप एजेन्डा तय गर्न पेरिसडाँडामा बैठक जारी छ ।

चन्द्र बस्नेत,
कार्तिक ५, २०८१ सोमबार, कनकाई ।

तिहारलाई लक्षित गरेर झापाको कनकाई ३ सुरुङ्गामा रहेको हरिकुल नमूना माध्यमिक विद्यालयले तेस्रो खुला सामूहिक देउसी भैलो प्रतियोगिता २०८१ आयोजना गर्ने भएको छ । लोक संस्कृतिको प्रबन्धन हाम्रो जिम्मेवारी’ भन्ने नाराका साथ नेपालीहरूको महान पर्व बडादशै , शुभ – दिपावली , छट तथा नेपाल सम्वत् अवसर पारी आगामी कात्तिक १४ गते बुधवार विद्यालयको परिसरमा कार्यक्रमको आयोजना गर्ने निश्चित भएको विद्यालयकी प्रबन्ध निर्देशक ग्रीशा रावल थापाले जानकारी दिनुभयो ।

हरिकुल नमुना माध्यमिक विद्यालयले बालबालिकालाई नेपालीहरूको महान पर्वहरू बडा दशैँ , शुभ – दिपावली , छट तथा नेपाल सम्वत् लगायत थुप्रै चाडपर्वहरूको संरक्षण तथा संस्कृति बचाइराख्ने उद्देश्यका साथ विगतका वर्षहरूमा पनि आयोजना गर्दै आएको प्रतियोगितालाई यस वर्ष पनि निरन्तरता दिन तेस्रो खुला सामूहिक देउसी भैलो प्रतियोगिता आयोजना गर्न लागिएको प्रबन्ध निर्देशक थापाले बताउनुभयो ।
कार्यक्रममा कला संस्कृति संरक्षका बारेमा विभिन्न सचेतना मूलक पुराना देउसी भैलोका भाकाहरु प्रस्तुत हुने विद्यालयका प्रिन्सिपल रोशन खत्रीले जानकारी दिनुभयो ।

प्रतियोगितामा सहभागी हुने समूहले कार्तिक १३ गते सम्म नाम दर्ता गरिसक्नु पर्ने छ । ५ देखि १५ जना ले मात्र टोलीमा सहभागी जनाउन सक्नेछन् । १० देखि १५ मिनेट समय भित्र प्रस्तुत गरिसक्नु पर्ने देउसी भैलोमा सहभागीहरूले परम्परागत लोक संस्कृति झल्कने पहिरन अनिवार्य लगाउनु पर्ने आयोजकले नियम बनाएको छ ।
खुलादेउसी भैलो प्रतियोगितात्मक कार्यक्रममा प्रथम हुनेलाई नगद २५ हजार रुपैयाँका साथमा प्रमाणपत्र त्यस्तै द्वितीय हुनेलाई नगद १५ हजार रुपैयाँका साथमा प्रमाणपत्र त्यस्तै तृतीय हुनेलाई नगद १० हजार रुपैयाँका साथमा प्रमाणपत्र र सान्त्वना हुनेलाई पनि पुरस्कारको व्यवस्था रहेको विद्यालयका सञ्चालक साजन थापाले बताउनुभएको छ।
अतिरिक्त क्रियाकलाप अन्तर्गत विभिन्न समयमा विद्यालय स्तरीय भएका प्रतियोगिताहरूमा दर्जनभन्दा धेरै प्रतियोगितामा प्रथम स्थान हासिल गर्न सफल भएको विद्यालयका प्रिन्सिपल खत्रीको भनाई छ।

विद्यालयले पढाईका साथसाथै हरेक शुक्रबार ईसिए । अन्तर्गत विद्यार्थीको रोजाइ अनुसारको सिकाइ सिकाउने गरेको सञ्चालक साजन थापाले बताउनुभएको छ। विशेष गरेर विध्यालयले पढाई सँगसँगै बाहिरी ज्ञानलाई पनि उतिकै प्राथमिकतामा राखेको र हरेक चाडपर्व मनाउने परम्परालाई पनि विद्यालयबाट नै सिकाउने गरेको शिक्षक सन्दीप मरासिनीले जानकारी दिनुभयो । खुला प्रतियोगिता भएकोले विद्यालय र समुदायका देउसी टोलीले प्रतियोगितामा सामेल हुन सक्ने बताइएको छ ।

लामो समय विदेशको शिक्षण सिकाइ अब आफ्नै ठाउँमा लागू गर्न लागिपरेको भन्दै व्यवस्थापक राजु थापाले बालबालिकाहरू भविष्यका कर्णधार हुन भन्दै बाहिरी ज्ञानलाई पनि उतिकै प्राथमिकता राखिएको र त्यही अनुसार विद्यालयले शिक्षण सिकाइ गरिरहेको बताउनुभयो ।

विद्यार्थीहरूले यश अघिपनि विभिन्न समयमा वृक्षा रोपन , विज्ञान प्रर्दशनी , विभिन्न स्थानको सरसफाइ , डस्टबिन वितरण ,विभिन्न कार्यक्रममा विद्यार्थीको सहभागिता विभिन्न दिवस र सन्दर्भमा विद्यार्थीहरूलाई भूगोल, समाज, कला र संस्कृति लगायत कार्यक्रममा विद्यार्थीलाई सहभागी गराउने गरेको प्रबन्ध निर्देशक थापाले जानकारी दिनुभयो ।२०५१ सालमा थोरै बिद्यार्थीबाट अध्यापन शुरु गरेको बिद्यालयमा हाल १ हजार ५० बढी बिद्यार्थी ५० बढी शिक्षक शिक्षिका ३० जना भन्दा धेरै अन्य कर्मचारीहरुका साथमा शिक्षण सिकाइ गरिरहेको विद्यालयका प्रिन्सिपल रोशन खत्रीले जानकारी दिनुभयो ।