२०असोज, बिर्तामोड।गत जेठ १५ गतेदेखि हराइरहेका २१ वर्षीय राजेश हजामको टाउको र हड्डीहरु (कंकाल) फेला परेको छ । बाह्रदशी –७ लाफादी (विरिङ खोला किनार) मा पुरिएको अवस्थामा फेला परेको जनाइएको छ । केही दिनदेखि हजामको शव खोजी गर्न प्रहरीले जेसिवी प्रयोग गरेर खोजिरहेको थियो ।प्रहरीले पहिले एउटा घरमा उत्खनन् गरेको थियो भने आज विरिङ खोलामा जेसिवी प्रयोग गरेर शव खाज्ने क्रममा फेला पारेको हो । प्रत्यक्षदर्सीका अनुसार शरिरको केही भाग कपडामा बेरिएको अवस्थामा भेटिएको छ ।
यसअघि हत्यामा संलग्न भएको आशंकामा प्रहरीले तीन जनालाई पक्राउ गरिसकेको छ । पक्राउ पर्नेमाहरुमा नरेश, मुना र समिर राजवंशी रहेका छन् । उनीहरुको बयानका आधारमा प्रहरीले खोजी गरिरहेको थियो । पक्राउ परेकाहरुले हत्या गरेर पुरेको ठाउँ बताएपछि प्रहरीले त्यहाँ उत्खनन् गरेको बताइएको छ ।
