१ फागुन २०८० कनकाई
पाल्पाको तिनाउ गाउँपालिका–६, मस्यामको चिदिसमा आज मंगलबार भएको जिप दुर्घटनामा परि कम्तीमा ७ जनाको मृत्यु भएको छ भने ८ जना घाइते भएका छन् ।
सिद्धार्थ राजमार्गको डुम्रेबाट चिदिस जाँदै गरेको लु १ ज २३७१ नम्बरको जिप डुम्रे र चिदिसको बीच भागमा दुर्घटना भएको हो । मृत्यु तथा घाइते हुनेहरु स्थानीय चिदिस गाउँका रहेको उद्धारमा खटिएका दिनेश घिमिरेले जानकारी दिनुभयो ।
दुर्घटनास्थलमा खटिएका प्रहरीका अनुसार जिल्लाको टोली पुगेपछि मात्रै मृतकहरुबारे जानकारी दिने बताएको छ ।घटनास्थलमा प्रहरी चौकी प्रभासको टोली र स्थानीयले घाइतेहरुलाई लुम्बिनी मेडिकल कलेज प्रभासमा लगिएको छ । मृतक र घाइतेको पहिचान खुल्न बाकी छ।
