झापा । झापाको बिर्तामोड नगरपालिका वडा नम्बर ३ मेची आँखा अस्पताल छेउबाट प्रतिबन्धित लागूऔषध र नगदसहित दुई जना पक्राउ परेका छन् ।
प्रहरी चौकी बिर्ताबजारको प्रहरी टोलीले बिर्तामोड नगरपालिका वडा नं.३ का ३४ बर्षिय रोशन राजवंशी र सोही स्थानका २१ बर्षिय रोहित राजवंशीलाई पक्राउ गरेको हो ।
शंका लागेर रोशन र रोहितलाई चेकजाँच गर्दा उनीहरुको साथबाट प्रतिबन्धित लागूऔषध ब्राउन सुगर ४ ग्राम ५०० मिलि ग्राम र नगद नेपाली .७६ हजार ३१५ रुपैयाँ समेत फेला परेको थियो ।
उनीहरु दुबै जनालाई नियन्त्रणमा लिएर ईलाका प्रहरी कार्यालय अनारमनी झापामा राखेर थप अनुसन्धान कार्य भइरहेको जिल्ला प्रहरी कार्यालय झापाले जनाएको छ ।
