काँकडभिट्टामा ब्राउन सुगरसहित एक जना पक्राउ

झापाको मेचीनगर नगरपालिका- ६ मा लागु औषध ब्राउन सुगरसहित एक जनालाई प्रहरीले पक्राउ गरेको छ । आइतबार दिउँसो इलाका प्रहरी कार्यालय काँकडभिट्टाको प्रहरी टोलीले स्थानीय ३२ वर्षीय वसन्त राईलाई शङ्का लागी चेकजाँच गर्दा उनको साथबाट १ ग्राम ८ सय मिलिग्राम ब्राउन सुगर फेला पारेका थिए । पक्राउ परेका उनलाई इलाका प्रहरी कार्यालय काँकडभिट्टामा राखेर आवश्यक अनुसन्धान गरिरहेको प्रहरीले जनाएको छ ।