स्कुल बसको ठक्करबाट बुद्धशान्तिमा ८ वर्षिया बालिकाको मृत्यू । बुद्धशान्ति ४ स्थित जोरलाबरमा शनिबार विद्यालय बसको ठक्करबाट एक बालिकाको मृत्यू भएको छ । भित्रि सडक खण्डमा पश्चिम तर्फबाट पूर्व तर्फ जाँदै गरेकोे ना ४ ख १३१३ नम्बरको को शान्ति आदर्श माध्यमिक विद्यालय शान्तिनगरको विद्यालय बसले बाटोमा हिँड्दै गरेकी बर्ष ८ की सोमिया तामाङ लाई ठक्कर दिएको र उनलाई उपचारको क्रममा बिर्तामोड स्थित बि एण्ड सि अस्पतालमा लगिएको थियो । उपचारको क्रममा सोमियाको अहिले ५ः३० बजे निधन भएको प्रहरीले जनाएको छ । स्कुल बस चालक ईलाम जिल्ला रोङ ५ का ५२ वर्षिय प्रेम कुमार राई हाल प्रहरीको नियन्त्रणमा छन् ।
स्रोत: बुद्धशान्ति साप्ताहिक
