प्रधानमन्त्री ओली र भारतीय सेनाध्यक्ष उपेन्द्र द्विवेदीबीच भेटवार्ता हुँदै

प्रधानमन्त्री केपी शर्मा ओलीसँग आज भारतीय स्थल सेनाध्यक्ष उपेन्द्र द्विवेदीले भेटवार्ता गर्दैहुनुहुन्छ । प्रधानमन्त्रीको सचिवालयका अनुसार द्विवेदीले बेलुका साढे चार बजे प्रधानमन्त्री कार्यालय सिंहदरबारमा भेटवार्ता गर्ने कार्यक्रम छ ।

त्यसअघि उहाँले रक्षामन्त्री मानवीर राईसँग भेट गर्नुहुनेछ । पाँचदिने भ्रमणका लागि अस्ति बुधवार नेपाल आउनुभएका द्विवेदीलाई हिजो राष्ट्रपति रामचन्द्र पौडेलले मानार्थ महारथीको दर्ज्यानी चिन्ह तथा खड्ग प्रदान गर्नुभएको थियो ।