जामुनवारी सामुदायिक बन उपभोक्ता समिति तथा जामुनवारी सिमसार पर्यटकीय क्षेत्रको अध्यक्षमा स्वतन्त्रका पर्शुराम गिरी निर्वाचित भएका छन् ।
स्वतन्त्र उम्मेदवार रहेका गिरीले पुराना दल एमाले र कांग्रेसका उम्मेदवारलाई पछि पार्दै भारी मतले बिजय हासील गरेका हुन् ।
हिजो बैशाख ६ गते भएको निर्वाचनमा स्वतन्त्र प्यानलबाट गिरी ४३१ मम प्राप्त गरेर बिजयी भएका हुन् । उनका प्रतिद्धन्दी कांग्रेसका बुद्धिमान बोहोरा १४२ र एमालेका सिता अधिकारीले १९२ मत प्राप्त गरेका थिए ।
त्यस्तै स्वतन्त्रबाट उम्मेदवार बनेका दिपक ओली पनि सचिव पदमा शानदार बिजयी भएका छन् । उनले पनि २९८ मत पार्दै कांग्रेस र एमालेका उम्मेदवारलाई हराएका हुन् । उनका प्रतिद्धन्दी कांग्रेसका यसकुमार अधिकारीले २२१ मत र एमालेका दिपक बोहोराले २१५ मत प्राप्त गरेका थिए ।
त्यस्तै उपाध्यक्षमा भने एमालेका रेनुका खवास बिजयी भइन् । स्वतन्त्रका चन्द्रा बुढाथोकीले २२७ मत प्राप्त गर्दा कांग्रेसका तारा कोइरालाले २२१ मत प्राप्त गरेका थिए ।
कोषाध्यक्षमा नेपाली काङ्ग्रेसबाट उमेदवारी दिएकी चेतकुमारी सापकोटा (रचना) ३४३ मत ल्याउदै बिजयी भईन भने उनको प्रतिद्वन्द्वी ईन्दिरा पाण्डे (भण्डारी) ले २४६ मत प्राप्त गरिन ।
त्यस्तै सदस्यहरुमा चित्रकुमार श्रेष्ठ , अर्जुनकुमार गिरी , गीता गुरागाँई , दिलबहादुर गिरी निर्वाचित भएका छन् भने बलबहादुर भुजेल , उषादेवी भुजेल , लुमा दाहाल अधिकारी , अशोककुमार न्यौपाने र जानुका गुरागाँई निरौला सदस्यमा सर्वसम्मत भएको निर्वाचन समितिका संयोजक दधिराम पोखरेलले जानकारी दिए ।
पुर्ण समिति १५ सदस्यीय रहने समितिमा अध्यक्ष एक, उपाध्यक्ष एक, सचिव एक र कोषाध्यक्ष एकसहित १४ जना मतदान र निर्विरोध प्रक्रियाबाट निर्वाचित भएको र कार्य समितिले १ जना मनोनयन गर्ने प्रवाधान रहेको निर्वाचन समितिका सदस्य भुवन खतिवडाले वताए ।
सामुदायिक बनको निर्वाचनमा बनको ५ वटा क्षेत्र रहेको र ८ सय ५१ उपभोक्ता मतदाता रहेकोमा ८ सय ९ जनाले मतदान गरेको निर्वाचन समितिका सचिव इन्द्रपुलामी मगरले जानकारी दिए ।
निर्वाचनमा स्वतन्त्र उम्मेदवार पर्शुराम गिरी, एमालेकी सिता अधिकारी र कांग्रेसका बुद्धिमान बोहोराको नेतृत्वमा तीनवटा प्यानल चुनावी मैदानमा होमिएका थिए ।
