सुनसरी र झापाको दुई स्थानबाट लागुऔषध ब्राउनसुगर ओसारपसारमा संलग्न पाँच जनालाई प्रहरीको नियन्त्रणमा लिएको छ ।
विशेष सूचनाको आधारमा हिजो दिउँसो सुनसरीको इटहरी उप महानगरपालिका १२ क स्थित कोशी लोकमार्गमा विराटनगरबाट इटहरीतर्फ जाँदै गरेको प्रदेश १ ०२ ००३ ह ९६०७ नम्बरको सिटी सफारीलाई रोकी चेक जाँच गर्दा सिटी चालक भारत बिहार अररिया घर भई हाल विराटनगर १७ मा बस्दै आएका मोहमद इब्रानले फ्लोरेसेन्ट ज्याकेटमा प्लाष्टिकमा पोको पारेर लुकाई छिपाई राखेको अवस्थामा २ ग्राम ८ सय ६० मिलिग्राम ब्राउन सुगर बरामद गरेको हो ।
त्यसैगरी, इलाका प्रहरी कार्यालय दमकबाटको प्रहरीको टोलीले कमल गाउँपालिका ५ का ३२ वर्षीय हिक्मत धिमाल, २७ वर्षीय सुदिप धिमाल, २५ वर्षीय न्युसन राई र १८ वर्षीय पिजल धिमललाई २ ग्राम ३०० ग्राम ब्राउनसुगर र नगद २५ हजारसहित नियन्त्रणमा लिएको छ । ब्राउनसुरगरसहित पक्राउ परेका उनीहरुको थप अनुसन्धान भइरहेको छ ।
