भेडेटारबाट शब्जीको बोरा भित्र ठुलो परिमाणको लागूऔषध गाँजा बरामद ।।चालक फरार ।।झापाको बिर्तामोडबाट चोरीको मोटरसाइकलसहित एक जना प्रहरीको नियन्त्रणमा ।।
२६ चैत २०८०
कनकाई
धनकुटाको साँगुरीगढी गाँउपालीका–६ भेडेटार चौकबाट मिनिट्रकमा लोड गरेर राखेको अवस्थामा ठुलो परिमाणको लागूऔषध गाँजा प्रहरीले बरामद गरेको छ ।शब्जी बोक्ने मिनिट्रकमा लागूऔषध गाँजाको ओसार पसार भईरहेको भन्ने बिशेष सूचनाको आधारमा आईतवार राती पौने ८ बजे इलाका प्रहरी कार्यालय भेडेटार धनकुटाबाट चेकजाँचमा खटिएको प्रहरी टोलीले उक्त गाँजा नियन्त्रण गरेको हो ।
प्रहरीले भेडेटार चोकमा रोकेर राखेको को १ ख ३२९४ नम्बरको मिनिट्रकलाई चेकजाँच गर्दा गाडीमा लोड भएको शब्जीको बोरा भित्र प्याक गरी लुकाई छिपाई राखेको अवस्थामा ५४४ केजी लागूऔषध गाँजा बरामद गरेको हो ।
गाँजा र सवारी साधन नियन्त्रणमा लिईएको र ट्रकका चालक तत्काल फरार रहेकोले खोजतलास भईरहेको साथै अन्य थप अनुसन्धान भइरहेको जिल्ला प्रहरी कार्यालय धनकुटाले जनाएको छ ।
यता
झापाको बिर्तामोड नगरपालिका डाँडागाँउ–८ बाट चोरीको मोटरसाइकलसहित एक जनालाई प्रहरीले नियन्त्रणमा लिएको छ ।सोमवार (आज) दिउँसो २ बजे जिल्ला प्रहरी कार्यालय झापाबाट खटिएको प्रहरी टोलीले मे १० प ३२०७ नम्बरको होण्डा साइन मोटरसाइकल चोरी गरेर लैजाँदै गरेको अवस्थामा उनलाई पक्राउ गरेको हो । पक्राउ पर्नेमा भद्रपुर नगरपालिका–९ का १९ बर्षीय हरि गुरुङ रहेका छन् । उनलाई मोटरसाइकलसहित नियन्त्रणमा लिएको हो । मोटरसाइकलसहित पक्राउ परेका गुरुङको थप अनुसन्धान भइरहेको प्रहरीले जनाएको छ
