२०८०/०३/१८, कनकाई झापा, मनोज बस्नेत ।
लायन्स क्लब अफ कनकाई सुरुङामा वर्ष २०२३/२४ का लागि गङ्गाराम गजुरेल (सञ्जय) चयन भएका छन ।
प्रत्येक वर्ष जुलाई एक देखि अर्को जुन मसान्तसम्म रहने एक वर्षको कार्यकालका लागि सर्वसम्मत रुपमा गजुरेल चयन भएक हुन । कार्यरत द्वितिय उपाध्यक्ष प्रथममा र प्रथम उपाध्यक्ष स्वत अध्यक्षमा पदोन्नति हुने प्रावधान भएता पनि चुनावी प्रक्रिया अनुसार सदस्यहरुको कम्तिमा बहुमत समर्थन पाउनु पर्नेमा उनले १००% समर्थन प्राप्त गरेर आगामी वर्षको अध्यक्षको पद समाल्न थालेका छन ।
त्यस्तै प्रथम उपाध्यक्षमा सन्दिपबाबु प्रसाईं र दितिय उपाध्यक्षमा मान बहादुर दाहल (कुमार) चयन भएका छन । क्लबका निवर्तमान अध्यक्ष डम्बर बहादुर थापा (साजन)ले उक्त निर्वाचनमा सहजीकरण गरेका थिए ।
नव निर्वाचित अध्यक्ष गजुरेलले आफ्नो कार्यकाल सफल पार्नको लागि सचिवमा पञ्कज खड्का, कोषाध्यक्षमा राजकिसोर चौधरी र सह-सचिवमा पञ्कज मन्डल चयन गरेका छन । अन्य आवश्यक सदस्यहरु थप गरि समिति पुर्णता सहित आफ्नो कार्यकाल उदाहरणियताका साथ सफल पार्ने कुराको जानकारी पनि अध्यक्ष गजुरेलले दिएका छन ।
